Қашқадарё вилояти Қамаши туманидаги 7 минг аҳоли истиқомат қиладиган Қўшкапа қишлоғидаги таъмирталаб кўприк сел келиши оқибатида яна ҳам хавфли ҳолатга келиб қолди. «Дарё»га мурожаат қилган қишлоқ аҳли кўприкнинг қулашидан хавотирда.
Қўшкапаликларнинг сўзларига кўра, кўприк билан боғлиқ вазиятдан нафақат туман, балки вилоят ҳокимлиги мутасаддилари ҳам хабардор. Таъкидлаш жоиз, «Дарё» Қўшкападаги ушбу кўприк ҳақида 2019 йил кузида ҳам ёзган эди.
Мавзуга доир:
«Мутасаддилар келиб, кўприкни расмга тушириб кетади, холос. Бошқа амалий натижа йўқ», — дейди Қўшкапада яшовчи Бердимурод Исломов. Аҳоли «Дарё» мухбири билан телефон орқали мулоқотда баҳорги селлар кўприкни бутунлай ювиб кетишидан хавотирдалигини билдирган.
«Кўприк ваҳимали кўринишга келиб қолган. Энг ёмони, ҳозир селлар мавсуми. Ҳар куни сел келяпти. Уч-тўрт кун илгари келган сел кўприкнинг яна бир томонини ювиб кетди. Масъуллар кўприк қулашини кутишяптимикин?», — дейди қўшкапаликлардан бири.
Изоҳ (0)