Республика бўйича карантиндагилар жойлаштирилаётган объект ҳудудларини телекоммуникация тармоқлари билан таъминлаш бўйича ишлар доирасида карантин ҳудудларига 129 та симли ва 56 та мобил телефон алоқа аппарати етказиб берилгани маълум қилинди.
Карантин ҳудудларида ўрнатилган алоқа воситаларнинг узлуксиз ишлаши назоратга олинган. Коронавирус инфекцияси тарқалишининг олдини олиш мақсадида ташкил этилган идоралараро ишчи гуруҳлари штаблари телекоммуникация хизматлари билан таъминланган, беморлар билан масофадан туриб, тезкор сўров ишларини амалга ошириш учун 170 та планшет қурилмаси сим-карталар билан таъминланган.Шунингдек, Тошкент вилояти, Юқори Чирчиқ туманидаги карантин ҳудудида барқарор алоқани ташкил этиш учун 2 та қўшимча мобил база станцияси ўрнатилгани, 840 та стационар ва 1100 та мобил телефон қурилмаси тегишли имтиёзли дақиқалар билан таъминлангани айтилди.Соғлиқни сақлаш вазирлиги томонидан тақдим этилаётган рўйхатлар асосида Тошкент шаҳридаги Республика шошилинч тиббиёт ёрдам илмий маркази, Қорақалпоғистон Республикаси ҳамда вилоятлардаги жами 87 та шифохона ўртасида операторларнинг видеоанжуман тизими орқали мулоқоти ўрнатилгани таъкидланди.Шерзод Аҳматов, Ахборот технологиялари ва коммуникацияларини ривожлантириш вазирлиги матбуот котиби
Изоҳ (0)