Америкалик қўшиқчи ва актриса Селена Гомес Clothes Forever — Styling Game ўйини қаҳрамони ўзига ўхшаб қолгани учун ўйин яратувчиларини судга берди, деб ёзади TMZ.
Гомеснинг маълум қилишича, ўйин яратувчилари унинг рухсатисиз Flare журнали муқовасидаги суратидан фойдаланган.
Шунингдек, Гомес даъво аризасида ўзининг образи тасвирланган реклама постлари қанча туришини ошкор этган — 800 минг доллар. Унинг таъкидлашича, App Store’да ўзига ўхшаш қаҳрамонга эга ўйиннинг пайдо бўлиши реклама борасидаги даромадларига зарар келтиради, чунки ўйинга нисбатан кўплаб салбий фикрлар билдирилган. Қўшиқчи етказилган зарар қоплаб берилишини талаб қилган ва мобил дастурнинг савдосидан тушадиган даромаддан улуш олиш истагини билдирган.
Эслатиб ўтамиз, Селена Гомес 2018 йилда руҳий клиникага тушиб қолган ва у ерда қўшиқчини асаб фаолиятининг бузилиши оқибатларидан даволашган эди.
Изоҳ (0)