Xiaomi компанияси 9 апрель куни 98 дюймли Redmi Smart TV Max 98 inch телевизорлари савдосини бошлади. Компания бу каби улкан ўлчамга эга замонавий қурилмалар қай йўсинда йиғилаётгани тасвирланган суратлар билан бўлишди.
Max TV — улкан телевизор бўлиб, унинг экрани автоматлаштирилган заводда яхлит ҳолда ишлаб чиқарилади. 98 дюймли дисплейни яратиш учун оддий телевизорларни ишлаб чиқаришга мўлжалланган цехдан 10 баробар каттароқ майдон керак бўлади ва у анча мураккаб тузилишга эга. Турли зоналар орасига роботлаштирилган улкан «қўллар»дан фойдаланилади.
Redmi Smart TV Max 98 inch’нинг узунлиги 1,2 метрга тенг — телевизор стол тенниси каби ўлчамга эга. Ўлчамлар LCD дисплейларнинг табиий муаммоларини кўпайтириши мумкин эди, аммо ишлаб чиқарувчи бир вақтнинг ўзида 192 та динамик ёритишни ва тасвир сифатини яхшиловчи бир қатор технологияларни ўзида жамлаган махсус процессорни яратишга алоҳида эътибор қаратди.
Redmi Smart TV Max ҳозирча фақат Хитойда сотилмоқда, нархи — 2800 доллар.
Xiaomi компанияси биринчи навбатда ўз смартфонлари билан танилган. Hi-Tech.Mail.ru заводдаги кўплаб инсонлар қурилмаларни қандай йиғиши ва гаджетлар сифатини назорат қилиши тасвирланган суратларни тўплаб тақдим этди.
Изоҳ (0)