«Ўзгидромет» яқин кунларда ёмғир ёғиб, момақалдироқ бўлиши, тоғолди ва тоғли туманларда сел келиши хавфидан огоҳлантирди.
Қайд этилишича, 12—14 апрелда Ўзбекистонда ёмғир, айрим жойларда кучли ёмғир ёғади, момақалдироқ бўлиши мумкин. Шамолнинг тезлиги 15-20 метр/секундгача, шиддат билан эсганда 23-28 метр/секундгача етиши кутилмоқда.
Республиканинг тоғолди ва тоғли туманларида эса 12—14 апрелда сел келиши хафви бор.
Эслатиб ўтамиз, Самарқанд шаҳрида 6 апрель куни кузатилган кучли ёғингарчиликдан сўнг шаҳар кўчаларида сув тошқинлари юз бериб, хонадонлар сув остида қолганди. Табиий офат айрим хонадонларга жиддий талафот етказган, баъзи эски уйлар қулаб тушганди.
Мавзуга доир: Венецияга айланган Самарқанд. Ёмғир суви нега кўчалар бўйлаб тошиб кетгани изоҳланди (видео)
Изоҳ (0)