Коронавирусга чалинган Буюк Британия бош вазири Борис Жонсон интенсив терапия бўлимини тарк этди. Бу ҳақда Британия ҳукумати канцеляриясига таяниб, «РБК» хабар берди.
«Бугун кечаси бош вазир интенсив терапия бўлимидан оддий палатага ўтказилди, унинг соғлиғи тикланишининг дастлабки босқичида назорат остида бўлади», — дейилади хабарда.
Борис Жонсон коронавирус билан касаллангани ҳақида 27 март куни маълум бўлганди. 5 апрель куни у эҳтиёт чораси сифатида авлиё Фома шифохонасига ётқизилган. Бироқ кейинроқ сиёсатчининг соғлиғи кескин ёмонлашиб, жонлантириш бўлимига ўтказилган эди.
Аввалроқ Борис Жонсонни эпидемия хавфидан огоҳлантирган шифокорнинг ўзи коронавирусдан вафот этгани маълум бўлди.
Мавзуга доир: «Биз буни енгиб ўтамиз». Буюк Британия қироличаси Елизавета II коронавирус сабаб телемурожаат йўллади
Изоҳ (0)