Ўзбекистонда 6 апрелга қадар карантин қоидаларига амал қилмаслик билан боғлиқ жами 29 953 та ҳолат аниқланди. Бу ҳақда ИИВ матбуот хизмати хабар бермоқда.
Қайд этилишича, энг кўп — 4 929 та — қоидабузарлик Тошкент шаҳрида қайд этилган. Тошкент вилоятида эса бундай ҳолатлар сони 3 450 тани ташкил этмоқда. Республика бўйича аниқланган қоидабузарликлар эса қуйидагича:
- Фарғона вилоятида — 3 675 та ҳолат;
- Самарқанд вилоятида — 2 936 та ҳолат;
- Қашқадарё вилоятида — 2 584 та ҳолат;
- Наманган вилоятида — 2 011 та ҳолат;
- Сирдарё вилоятида — 1 860 та ҳолат;
- Андижон вилоятида — 1 677 та ҳолат;
- Жиззах вилоятида — 1 582 та ҳолат;
- Сурхондарё вилоятида — 1 476 та ҳолат;
- Хоразм вилоятида — 1 239 та ҳолат;
- Бухоро вилоятида — 1 226 та ҳолат;
- Навоий вилоятида — 330 та ҳолатни.
- Қорақалпоғистон Республикасида — 978 та ҳолатни ташкил этмоқда.
Аввалроқ соғлиқни сақлаш вазири Алишер Шодмонов машинасида, велосипедида, пиёда айланиб келишга чиқаётганларга қарата: «Ҳаммамиз сабр қилишимиз керак. Қачонки интизом бўлса, барча тартиб-қоидага бўйсуниб, икки ҳафта уйимизда ўтирсак, ҳаммаси ўтиб кетади. Шунда биринчи навбатда оила аъзоларимизни сақлаб қолган бўламиз», — деб айтганди.
Айни пайтда Ўзбекистонда коронавирусга чалинганлар сони 390 нафарга етди. Фарғона коронавирусга чалинганлар сони бўйича Тошкентдан сўнг биринчи ҳудудга айланди.
Мамлакатда касалликдан икки киши вафот этди, 30 нафар бемор соғайди. Айни вақтда 7 нафар беморнинг аҳволи оғир эканлиги, улардан 2 нафари сунъий нафас олиш аппаратига улангани маълум қилинган.
Изоҳ (0)