Дунё волонтёрларининг коронавирус пандемияси шароитидаги фаолияти – суратларда
Коронавирус пандемияси бутун дунёни ташвишга солаётган вазиятда волонтёр (кўнгилли) ларнинг ролини алоҳида эътироф этиш лозим. Улар ўз вақти, кўникмалари, моддий ва маънавий ёрдамлари билан кўмакка зарурат сезаётган инсонларнинг олдига шошилмоқда.
Жаҳоннинг турли нуқталарида кузатилаётган етишмовчилик туфайли уй шароитида ниқоблар тикиш, шахсий гигиена воситаларини ишлаб чиқариш билан бирга, кексалар ва муҳтож оилаларга ёрдам қўлини чўзаётган кўнгилли инсонлар сони ортиб бормоқда. The Atlantic нашри ана шундай волонтёрларнинг фаолиятидан лавҳалар улашди.
Arbeiter-Samariter-Bund ёрдам ва ижтимоий ҳимоя ташкилотининг вакили Valtraud Doering коронавирус инфекциясига қарши курашаётган фельдшерлар учун бепул ҳимоя ниқобларини тикмоқда. Барзингхаузен, Германия. 2020 йил, 26 март.Фото: Reuters
Ёнғинга қарши махсус кийимлар ишлаб чиқарадиган фабрикада кўнгиллилар жамоаси тиббиёт ходимлари учун халатлар тикмоқда. Арнедо, Испания. 2020 йил, 30 март.Фото: AP Photo
Маҳаллий волонтёр совун ва ювувчи воситалар билан тўлдирилган қутини манзили томон олиб кетмоқда. Рио-де-Жанейро, Бразилия. 2020 йил, 24 март.Фото: AP Photo
Кўнгиллилар Оқ уй Шарқий хонасининг нусхаси, Ричард Никсон номидаги кутубхона ва музейда жойлашган донорлик марказида қон топширмоқда. Йорба-Линд, Калифорния, АҚШ. 2020 йил, 30 март.Фото: Reuters
Роза Edit Lukou хусусий ресторанида идишларни қўлбола суюқ совун билан тўлдирмоқда. Пальмерэ, Абижан шаҳри, Кот-д’Ивуар. 2020 йил, 1 апрель.Фото: Reuters
Волонтёр ҳамшира кўчадаги уйсиз одамларни парвариш қилмоқда. Милан, Италия. 2020 йил, 24 март.Фото: AP Photo
Волонтёрлар ҳукумат томонидан коронавирусга қарши чоралар доирасида ёрдам бериладиган аҳоли учун озиқ-овқат ва бирламчи маҳсулотлар учун қутилар тайёрламоқда. Найроби, Кения. 2020 йил, 28 март.Фото: AP Photo
Кўнгиллилар гуруҳи вакиллари ахборот тарқатишда иштирок этиш учун ниқобларни тақмоқда. Улар гигиенага амал қилмаслик қандай оқибатларга олиб келиши бўйича аҳоли орасида маълумот тарқатганлар. Дизслут, Йоханнесбург, Жанубий Африка. 2020 йил, 21 март.Фото: AP Photo / Getty Images
Жереми Рейтман гаражида 3-D принтерлари чиқараётган тиббий ҳимоя ойналари учун жиҳозларнинг қисмларини кузатмоқда. Айни дамда Рейтманда кунига 25 та ниқоб чиқарадиган 5 та принтер бор. Калифорния, АҚШ. 2020 йил, 30 март.Фото: AP Photo / Getty Images
Украина Православ черковининг руҳонийси қўл учун дезинфекция воситаларини идишларга жойламоқда. Руҳонийлар ва талабалар ушбу воситаларни ишлаб чиқариб, кексалар ҳамда муҳтожларга тарқатишмоқда. Видубич, Киев, Украина.Фото: Reuters
Инструктор волонтёрларга коронавирус бўйича аҳоли ўртасида ахборот тарқатиш олдидан мурожаат қилмоқда. Сане, Яман. 2020 йил, 28 март.Фото: Reuters
Ўзбекистон ёшлар иттифоқининг 100дан ортиқ волонтёрлари Ўзбекистон Республикаси Маҳалла ва оилани қўллаб-қувватлаш вазирлиги ҳузуридаги Хайрияларни мувофиқлаштириш марказида жараёнга кўмаклашмоқда.Фото: Кирилл Альтман
Изоҳ (0)