Актёр ва режиссёр Соҳиб Аббосхон «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ҳамда актёр ва продюсер Ҳабибулла Низомов ташкиллаштирди.
Соҳиб Аббосхон суҳбат давомида фестиваль учун фильм ишлайман деб, Ўзбекистондаги реал ҳаётни нотўғри кўрсатаётган киночиларни халққа хиёнат қилишда айблади.
Тасаввур қилинг, сиз нон ёпиб, бозорга олиб чиқдингиз, нонни биров бир пулга олмаса, у ноннинг нима кераги бор? Давлатнинг пулини совуриб, қанақадир бир фестивалга борамиз деб, Ўзбекистоннинг томи йўқ уйларини кўрсатиб, эшигининг орасида тирқиши бор, очсангиз ғийқ-ғийқ қилиб қоладиган уйларни узоқ кадрларда ушлаб турадиган фильмлар олишади. Чет элликлар бу фильмларни кўрганда ‘томларингизни қачон шефир қиласизлар, сизлар ҳам кўчаларингизни асфалт қилинглар, бир тузукроқ иморат қурмайсизларми?’, дейишади. Нима кераги бор бу фильмларнинг, санъатми шу, Ўзбекистондаги реал ҳаётни кўрсатишмайдими улар?Маълумот учун, Соҳиб Аббосхон ўзбек кино мухлислари орасида «Занжир», «Наҳотки сен», «Ажал сўқмоғи» каби бир қанча фильм ва сериаллардаги бош роллари билан машҳурликка эришган.Тўйларда бошловчилик қилганимни кўпчилик билади. Йигирма беш йилдан ортиқ бошловчилик қилган пайтларимда юртимизда бормаган жойим қолмаган. Шунчалик кўп жойларга борганманки, лекин шунақа хароб жойни кўрмаганман. Бундай фильм ишлайдиган киночиларни халқнинг пулига хиёнат қилган одамлар, деб биламан. Чунки улар халқнинг пулини олиб кино ишлашади, аммо у фильмни ҳеч ким кўрмайди.
Бир фестивалда мукофот беришганида ‘Россиянинг узоқ қишлоқларидан келиб, зўр кино олишибди’, деб раҳми келиб мукофот беришганини ҳам кўрганман.
Соҳиб Аббосхон, актёр ва режиссёр
Изоҳ (0)