Россияда сўнгги бир сутка ичида мамлакатнинг 26 ҳудудида коронавирусга чалиниш билан боғлиқ жами 228 та янги ҳолат аниқланди, дея хабар бермоқда Meduza.
Ушбу ҳолатларнинг 114 таси Москва шаҳрида, 36 таси Москва вилоятида, 11 таси Санкт-Петербургда аниқланган. Касалхонадан уйига жавоб берилган беморлар сони 49 нафарга, коронавирус оқибатида вафот этганлар сони эса беш нафарга етган.
Шундай қилиб, Россияда коронавирусга чалинган беморлар сони 1264 тага етди. Касалланиш ҳолатлари мамлакатнинг 62 та ҳудудида қайд этилган.
Маълумот учун, 28 март Тошкент вақти билан 20:00 ҳолатига кўра, Ўзбекистонда коронавирусга чалиниш билан боғлиқ 104 та ҳолат қайд этилган, икки бемор вафот этган.
Изоҳ (0)