Актриса Шаҳзода Матчоновага 8 мингта пуфак совға қилишди (фото)

Актриса Шаҳзода Матчонова коронавирус карантинига қадар унга совға қилинган 8 мингта пуфак билан тушган суратлари билан бўлишди.

«Коронавирусгача бўлган ажойиб кунларнинг бирида. Доимгидек тез-тез бериладиган саволларга жавоб бераман:

1. Йўқ, учиб кетмадим, лекин уларни тутиб туриш жуда қийин бўлди. Ҳозир учиб кетсам керак, деб ўйладим.
2. Пуфакларни учириб юбормадик. Ҳовлига боғлаб қўйдик. Улар бир ҳафта мобайнида нафақат мени, балки уйдаги ҳамма болаларни ҳам хурсанд қилди. Кейин улар олиб кетилди ва йўқ қилинди.
3. Бу ерда 8 мингта пуфак бор.
4. Кейин, илтимос, ўзингизники бўлмаган пулларни қандай ишлатиш ҳақида ёзманг. Бу энг камида маданиятсизлик.
5. Ушбу сюрпризни уюштирган одам хайрия билан шуғулланади ва одамларга ёрдам беради. Хавотир олманг», — деб ёзади актриса.

Аввалроқ Шаҳзода Матчонова хориждан қайтганидан сўнг коронавирус аниқланган ўзбекистонликларга нисбатан ҳурматсизлик билан муносабатда бўлаётган, ижтимоий тармоқларда улар ҳақида хунук гапларни ёзиб қолдирганларга мурожаат қилиб, уларни бағрикенг ва сабрли бўлишга ундаган эди.