Тошкент шаҳар ҳокимлиги ижтимоий тармоқларда тарқалган бензин нархи ошиб, ёқилғи қуйиш шохобчалари ёпилиши ҳақидаги маълумотларни рад этди.
«Шаҳримиз фуқароларининг автомобиль ёқилғиси нархлари ва таъминоти бўйича ҳеч қандай хавотирига ўрин йўқ.
Ёқилғи таъминоти омборларида Тошкент шаҳри эҳтиёжининг уч ойлик миқдори ҳажмида захиралар мавжуд бўлиб, бензин ва дизель ёқилғиси нархлари оширилмайди.
Карантин муддати давомида автомобиль ёқилғи қуйиш шохобчаларининг узлуксиз ишлаши таъминланади», — дейилади хабарда.
Аввалроқ Қишлоқ хўжалиги вазирлиги расмий баёнот билан чиқиб, мамлакатда озиқ-овқат маҳсулотлари етишмовчилиги бўлмаслигини маълум қилганди.
Мавзуга доир: Шавкат Мирзиёев нархларни асоссиз ошираётганлар ҳақида: «Бировнинг ташвиши эвазига топилган пул ҳеч кимга буюрмайди!»
Изоҳ (0)