Жанубий Корея КХДР Япон денгизи томон ракета учирганини маълум қилди

КХДР Япон денгизи томон снарядни ишга туширди, деб хабар бермоқда Yonhap агентлиги Жанубий Корея штаб бошлиқлари бирлашган қўмитасига таяниб.

Кейинчалик қўмита Шимолий Корея Пхёнан-Пукто провинциясидан иккита қисқа масофали баллистик ракеталар учирганини қўшимча қилган.

9 март куни Жанубий Корея ҳарбийлари КХДР ҳарбий машқлар доирасида Япон денгизи томон учта ракета учирганини маълум қилган эди. Уларнинг энг узоқ масофаси 200 километрдан, учиш баландлиги эса 50 километрдан ошмаган.

2020 йил бошида Шимолий Корея етакчиси Ким Чен Ин КХДР «янги стратегик қурол» намойиш этишни режалаштираётганини эълон қилганди.