Бирлашган Араб Амирликларида жойлашган омборда ўнлаб янги Ford Excursion моделларидан иборат партия топилди. Ушбу Ford йўлтанламасларига камида 15 йилдан буён ҳеч ким минмаган, чунки Excursion’ни ишлаб чиқариш 2005 йилда тўхтатилган, деб хабар беради Motor.
Гувоҳларнинг сўзларига кўра, Америка автомобилларининг номаълум ишқибози тўртта оқ, тўртта қора ва иккита қумранг Excursion’ни захирага олиб қўйган. Саккизта йўлтанламасга 6,8 литрли V10 қувватли 310 от кучига эга двигатель, қолган иккитаси 325 кучли V8 6.0 Power Stroke дизель мотори ўрнатилган.
Excursion — Ford компаниясига тенгишли энг катта йўлтанламас ҳисобланади. Унинг узунлиги 5760 миллиметр. Моделнинг асосини уч секцияли F-250 пикапининг ўқи ташкил этади.
Ford компанияси олти йил давомида Excursion ишлаб чиқарилган бўласа-да, бирор марта расман Осиёда ушбу моделни сотмаган. 2005 йилда Ford Excursion нархи 40—50 минг доллар атрофида бўлган. Шундай экан, ушбу машиналар эгаси 15 йил олдин ярим миллион долларга яқин пул сарфлаган.
Изоҳ (0)