Европа мамлакатларида коронавирус Covid-19 пандемиясининг тарқалиши фонида автомобиль ишлаб чиқариш тўхтатилади, деб ёзади «Korrespondent.net».
Шундай қилиб, Франциянинг Peugeot, Citroen, DS, Vauxhall ва Opel брендлари остида машиналар ишлаб чиқарадиган PSA Group компанияси гуруҳи Европада барча корхоналари 27 мартгача ёпилишини эълон қилди.
16 мартдан бошлаб PSA компанияси Франциянинг Мюлуз ва Испаниянинг Мадрид шаҳарларидаги заводлари фаолиятини тўхтади.
27 мартдан эса Франциядаги учта, Испаниянинг Сарагоса шаҳридаги битта корхона, Германиядаги иккита завод, шунингдек Британия ва Польшадаги корхоналар ёпилади.
18 мартдан Португалиядаги завод, Франциянинг Ордэн, Испаниянинг Виго шаҳарларидаги заводлар ишини тўхтатади. 19 мартдан Британиянинг Лутон шаҳри ва Словакиядаги корхоналар ҳам ёпилади.
Fiat Chrysler келгуси икки ҳафта ичида барча ишлаб чиқариш корхоналари, хусусан саккизта завоодини ёпади. Улардан олтитаси Италияда жойлашган.
Франциянинг Renault SA компанияси Испаниядаги барча саноат операцияларини мамлакат ҳукумати 15 кунга фавқулодда ҳолат режимини эълон қилганидан сўнг вақтинча тўхтатишга қарор қилди. Иш фавқулодда ҳолат режими тугаганидан сўнг бошланади.
Франциянинг шиналар ишлаб чиқарувчиси Michelin компанияси 17 мартдан Италия, Испания ва Франциядаги корхоналарни камида бир ҳафта давомида ёпишни эълон қилди. Компаниянинг таъкидлашича, вазиятга қараб ишни тўхтатиб туриш муддати узайтирилиши ҳамда ва бошқа Европа мамлакатларида ҳам жорий этилиши мумкин.
Германиянинг Volkswagen компаниясининг маълум қилишича, эҳтиёт қисмларни етказиб беришдаги узилишлар, шунингдек, минтақадаги турли мамлакатлар томонидан фавқулодда вазиятлар режимларининг жорий этилиши туфайли Европа фабрикаларида ишлаб чиқариш ҳажмини сақлаб қолиш қийин кечмоқда. Шу билан бирга компания Хитойда вазият яхшилангани учун 33 та корхонасидан 31 тасида ишлаб чиқариш қайта тикланганини қўшимча қилди.
Италиянинг Lamborghini ва Bugatti ишлаб чиқарадиган VW заводлари ишлаб чиқаришни аллақачон тўхтатган.
Эслатиб ўтамиз, дунё бўйича коронавирусга чалинганлар сони 198 мингдан ошди. Хубэйда бир суткада бир бемор аниқланди, Испанияда эса 182 киши вафот этди.
Изоҳ (0)