Тошкент шаҳар ҳокимлиги матбуот хизмати «Тошиссиққуввати» ДУК берган маълумотга асосланиб пойтахтдаги кўп қаватли уйлар ва хонадонлардаги иссиқ сув таъминоти ўчирилиши бўйича эълон қилинган жадвал қайта кўриб чиқилаётганини хабар қилди.
Маълум қилинишича, иссиқлик таъминоти ва иссиқ сув ўчирилишининг аввал эълон қилинган жадвали коронавирус тарқалишининг олдини олиш чоралари сабабли қайта кўриб чиқилган. Иссиқ сувнинг яқин вақт ичида ўчирилиш режалаштирилмаган.
Мавзуга доир: Ўзбекистонда 2020 йилда аҳоли учун иссиқлик таъминоти хизматлари тарифини давлат томонидан субсидиялаш сақланиб қолади
Мавзуга доир:
Шундан сўнг унинг 9 нафар оила аъзоси, шунингдек, рейснинг Ўзбекистонда қолган йўловчилари ва улар билан мулоқотда бўлган одамлар — жами 150 киши изоляцияга олинган. 16 мартдан бошлаб хорижий давлатлар билан барча авиарейслар бекор қилиниб, автотранспорт воситасида Ўзбекистонга кириш-чиқиш тўхтатилади.
Коронавируснинг Ўзбекистондаги март ойида бўладиган тўйларга таъсир кўрсатмаслиги, ҳукумат Ўзбекистондаги диний идораларга диний маросимлар ўтказишни вақтинча чеклаш бўйича илтимос билан мурожаат қилгани айтилди. Шунингдек, барча спорт (масалан, Суперлига), маданий (жумладан, концерт) ва бошқа тадбирлар, шунингдек, Наврўз тантаналари ва у билан боғлиқ бошқа оммавий маросимлар ҳам бекор қилинган.
Мамлакатда болалар боғчалари, ўрта мактаблар ва олий таълим муассасалари (давлатникими, хусусийми, фарқи йўқ) ҳам карантинга ёпилади. Тошкент шаҳар ҳокимлиги коронавирус профилактикаси доирасида Тошкент шаҳридаги бозорлар ёпилмаслиги, Ташқи ишлар вазирлиги эса Ўзбекистон фуқароларига ватанга қайтиш учун давлат чегарасидан ўтиш тақиқланмаганини маълум қилди.
Давлат солиқ қўмитаси раиси озиқ-овқат маҳсулотлари нархи назоратга олинишини билдирган.
Кейинчалик, Франциядан учиб келган аёлнинг ўғли, қизи, турмуш ўртоғи ва неварасида ҳам коронавирус инфекцияси аниқланган. Соғлиқни сақлаш вазирлиги 15 март, якшанба куни, соат 05:15 да Истанбул—Тошкент йўналишидаги 274-рейс билан Тошкентга келган яна бир Ўзбекистон фуқаросида коронавирус инфекцияси аниқлангани ҳақида маълум қилди. Кейинчалик улар сафига Буюк Британиядан келган фуқаро, шунингдек, коронавирус билан Франциядан қайтган аёлнинг қариндоши қўшилди ва COVID-19 билан касалланганлар сони 8 нафарга етди.
Ўзбекистондаги барча кинотеатрлар вақтинча ёпилган, ССВ Ўзбекистонда коронавирусга чалинган олти беморнинг аҳволи ҳозирча қониқарли эканини маълум қилган. Ўзбекистон муфтийси Усмонхон Алимов мусулмонларга мурожаат йўллаб, жума намозларини вақтинча ўқимай, шу куни уйда пешин намозини ўқишни, жаноза намозларини уйда марҳумнинг оила аъзолари ва қариндошлари иштирокида адо этишни тавсия қилди.
Изоҳ (0)