Бош вазир Абдулла Арипов томонидан коронавирусга қарши кураш чора-тадбирлари хусусида ўтказилган матбуот анжуманида карантин шароитида нархларни сунъий оширган «савдогарлар»га нисбатан жиноий жазо тайинланиши мумкинлиги маълум қилинди. Бу ҳақда «Дарё» мухбири хабар қилган.
«Коронавирусдан ваҳимага тушишга ҳеч қандай сабаб йўқ. Давлатимиз унга қарши туриш учун керакли чора-тадбирларни амалга оширган. Барча захиралар яратилган ва тиббиёт ходимлари шай ҳолатда. Пандемияга қарши кураш тажрибаси хорижнинг илғор давлатларидан ўрганилмоқда.
Фуқароларимиз лозим бўлган барча озиқ-овқат ва тиббиёт воситалари билан таъминланади. Халқимизнинг бошига тушган синовдан фойдаланиб, нархни сунъий ошириб оладиган қўштирноқ ичидаги тадбиркорлар учраса, улар ҳатто жиноий жавобгарликка қадар тортилади», — дея таъкидлаган Абдулла Арипов.
Коронавирус сабаб Ўзбекистонда Наврўз сайиллари бекор қилинган. Ҳукумат Ўзбекистондаги диний идораларга диний маросимлар ўтказишни вақтинча чеклаш бўйича илтимос билан мурожаат қилган. Ўзбекистон коронавирус сабаб авиа ва автоқатновларни тўхтатди, чет элда қолган ватандошлар чартер рейсларда қайтарилиши мумкинлиги ҳам мазкур брифингда маълум қилинган. Коронавирус сабаб Ўзбекистондаги барча мактаблар, боғчалар ва ОТМлар карантинга ёпилган, таълим муассасаларидаги карантин уч ҳафтагача давом этиши мумкин.Мавзуга доир:
- Коронавирусга чалинган ўзбекистонлик аёл туфайли 150 киши изоляцияга олинди. Уларнинг тўққиз нафари аёлнинг оила аъзолари
- Коронавирус аниқланган ўзбекистонлик аёл Париждан Тошкентга 11 март куни келган
- Ўзбекистонда коронавирус қайд этилганидан сўнг Тошкентда ниқоб тақиб юрганлар сони кўпайди (фоторепортаж)
- Манба: Коронавирус аниқланган ўзбекистонлик аёл билан бирга 48 йўловчи Париждан учиб келган
Изоҳ (0)