«Арсенал» футбол клубининг бош мураббийи Микель Артета ва «Челси» ҳужумчиси Каллум Ҳадсон-Одои коронавирусга йўлиқди. Бу ҳақда клуб матбуот хизматлари маълум қилди.
«Мен ўзимни ёмон ҳис қилганимдан кейин тиббий кўрикдан ўтдим. Бу жуда ажабланарли. Менга рухсат тегиши билан ишга қайтаман», — дейди мутахассис.
Яқин орада Артета билан мулоқотда бўлганлар мустақил изоляцияга олинади. Мураббийлар штабининг бир нечта аъзолари карантинга юборилади.
Эслатиб ўтамиз, Артета мавсум ўртасида истеъфога чиқарилган Унаи Эмерининг ўрнига «Арсенал» бош мураббийи этиб тайинланганди.
Шунингдек, «Челси»нинг 19 ёшли ҳужумчиси Каллум Ҳадсон-Одои ҳам вирусни юқтириб олган.
9 март куни Каллумда тумов аломатлари сезилган ва шундан кейин эҳтиёт чораси сифатида футболчи машғулотларда иштирок этмаган. 12 март куни унинг коронавирусга чалингани маълум бўлган.
Яқин орада Каллум билан мулоқотда бўлганлар мустақил изоляцияга олинади. Қолганлар эса яқин вақт ичида ўз ишига қайтади.
Мавзуга доир:
- Коронавирус: Нидерландия ва Чехияда футбол чемпионатлари тўхтатилди
- «Реал» клуби карантинга олинди. Ла Лига ўйинлари икки ҳафтага тўхтатилди
- Коронавирус ва спорт: бекор қилинаётган мусобақалар, вирусни юқтирган «Ювентус» ҳимоячиси ҳақида сўнгги маълумотлар
- Коронавирус: «Интер» ҳамда «Рома»нинг Европа Лигасидаги ўйинлари қолдирилди
Изоҳ (0)