«Ювентус» клуби «Реал» бош мураббийи Зинедин Зиданни жамоа бошқарувига олиб келмоқчи, дея хабар қилмоқда Daily Mail.
Таъкидланишича, туринликлар Зиданга йилига 7 миллион евро маошга эга уч мавсумлик шартнома таклиф қилишга тайёр.
«Ювентус» президенти Андреа Аньелли франциялик мутахассис билан илиқ муносабатларни сақлаб қолган. Ўз навбатида Зидан «кекса синьора» таклифини ўрганиб чиқмоқда.
Манбада келтирилишича, Зидан ва «Реал» президенти Флорентино Перес бир-бирини ҳурмат қилади, бироқ бир қатор футболчиларнинг норозилиги туфайли ёзда шартнома бекор қилиниши мумкин.
Зиданнинг фикрига кўра, «Ювентус» унинг ташрифидан кейин бир қатор юлдуз футболчиларни олиб келиш ва янги ҳамкорларни жалб қилиш имкониятига эга бўлади. Туринликлар ҳам Зидан тимсолида Европа Чемпионлар Лигаси ғолиблигини олиб кела оладиган мутахассисни кўрмоқда.
Зиданнинг «Реал» билан амалдаги шартномаси 2022 йилга қадар мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)