Футбол бўйича Англия Кубоги 1/8 финал баҳслари доирасида 4 март, чоршанба куни бир қатор ўйинлар бўлиб ўтди.
«Тоттенҳэм» — «Норвич» баҳсида асосий ва қўшимча бўлимларда кучлар тенг келгач пенальтилар сериясига мурожаат қилинди. Футбол лотореясида эса омад «Норвич» жамоасига кулиб боқди — 2:3.
«Манчестер Сити» клуби «Шеффилд Уэнсдей» билан кечган баҳсда Серхио Агуэронинг голи эвазига зафар қучди. «Лестер» — «Бирмингем» қарама-қаршилигида «тулкилар» кичик ҳисобдаги ғалабани расмийлаштирди.
Шу тариқа «Манчестер Сити» ва «Лестер» Англия Кубоги чорак финалига йўл олди. «Тоттенҳэм» эса мусобақадаги юришини тўхтатди. Аввалроқ «Челси» ҳамда «Арсенал» жамоалари ҳам мусобақанинг чорак финал йўлланмасини қўлга киритганди.
Ушбу босқичдан ўрин олган «Дерби Каунти» — «Манчестер Юнайтед» учрашуви 5 март, пайшанба куни бўлиб ўтади.
Англия Кубоги
1/8 финал баҳслари4 март, чоршанба
«Тоттенҳэм» — «Норвич» 1:1 (пенальтилар серияси 2:3)
Голлар: 1:0 – 13, Вертонген, 1:1 – 78 Дрмич.«Тоттенҳэм»: Ворм, Вертонген, Орье, Санчес, Алли (Перротт, 96), Скипп, Лукас Моура (Ламела, 70), Ло Чельсо, Бергвейн (Жедсон Фернандеш, 54), Уинкс (Ндомбеле, 81), Дайер.
«Норвич»: Крул, Льюис, Ааронс, Годфри, Хэнли, Рупп (Ида, 72), Кэнтуэлл, Вранчич (Маклин, 67), Буэндиа (Штиперманн, 97), Трибулл (Тетти, 89), Дрмич.
Огоҳлантиришлар: Вранчич (12), Скипп (71), Хэнли (73).
«Шеффилд Уэнсдей» — «Манчестер Сити» 0:1
Гол: 0:1 – 53, Агуэро.«Шеффилд Уэнсдей»: Уайлдсмит, Фокс, Иорфа, Бернер (Лис, 46), Палмер, Беннан, Мерфи, да Крус, Ли (Хант, 63), Форестери (Флетчер, 56), Пелупесси.
«Манчестер Сити»: Браво, Менди, Стоунз, Отаменди, Жоау Канселу, Сильва, Бернарду Сильва, Родри Эрнандес, Маҳрез, Агуэро (Стерлинг, 86), Габриэль Жезус.
Огоҳлантиришлар: Палмер (36), Маҳрез (88).
«Лестер» — «Бирмингем» 1:0
Гол: 1:0 – 82 Рикарду Перейра.«Лестер»: Шмейхель, Чилуэлл, Эванс, Рикарду Перейра, Суюнчу, Грэй (Барнс, 66), Мэддисон (Чоудури, 84), Прат, Ндиди (Тилеманс, 60), Олбрайтон, Ихеаначо.
«Бирмингем»: Кемп, Педерсен, Дин, Кларк-Soltэр, Хардинг (Гарднер, 71), Кифтенбелд (Монтеро, 84), Шуньич, Колен, Юткевич, Хоган, Мрабти (Кроули, 84).
Огоҳлантиришлар: Суюнчу (56), Юткевич (80).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)