Ўзбекистон Давлат статистика қўмитаси маълумотларига кўра, мамлакатдаги энг қиммат палов Самарқанд вилоятида бўлиб, унинг бир килограмми 116 669 сўмни ташкил қилади.
Мавзуга доир: Ўзбекистонда «Палов индекси» шакллантирилади: Ҳудудларда бир порсия палов қанчадан сотилаётгани маълум қилинди
Қўмита томонидан тайёрланган 2020 йилнинг февраль ойи учун вилоят марказий ҳудудлари кесимида тайёр паловнинг ўртача нархлари тўғрисидаги маълумотга кўра, Бухоро вилоятида паловнинг бир килограмми 112 000 сўм туради. Тошкент шаҳрида эса бир килограмм палов 106 750 сўмга баҳоланади.
Февраль ойи учун эълон қилинган «Палов индекси»га кўра, энг арзон палов Наманган вилоятида бўлиб, унинг бир килограмми 77 000 сўм туради. Сурхондарё вилоятида эса бир килограмм палов нархи 82 600 сўмни ташкил қилса, Қорақалпоғистонда 85 169 сўмни ташкил этади.
Қайд этилишича, Статистика қўмитаси маълумотлари шаклланиши жараёнида фақатгина танлаб олинган умумий овқатланиш муассасаларидаги, ош марказларидаги паловнинг ўртача нархлари ҳисобга олинган бўлиб, ресторан ва чойхоналардаги нархлар инобатга олинмаган.
Изоҳ (0)