Хитойда янги турдаги COVID-2019 коронавируси билан касалланиш оқибатида вафот этганлар сони 2744 кишига етди. Хитой Соғлиқни сақлаш миллий комиссиясининг маълум қилишича, бутун мамлакат бўйлаб вирусни юқтириб олганлар сони 78 мингдан ошиб кетган, 32 495 киши даволанишга муваффақ бўлди.
Коронавирус ўчоғи ҳисобланган Хубэй провинциясида касалликка чалинганлар 65,5 минг кишини ташкил этмоқда (Ухань шаҳрининг ўзида — 47,8 минг киши). Ўтган бир сутка давомида Хубэйда вирусни юқтириб олиш бўйича 409 та янги ҳолат қайд этилган, 2288 киши даволаниб, уйига жавоб берилган, яна 26 киши касаллик оқибатида вафот этган.
Хитойдан ташқарида коронавирусни юқтириб олиш бўйича 133 та ҳолат қайд этилган: Гонконг (2 киши вафот этган), Макао ва Тайван — тегишли равишда 91, 10 ва 32 нафар одам. Дунёнинг 30 дан ортиқ мамлакатида аниқланган ҳолатлар ҳисобга олинганида 82 027 кишида коронавирус аниқланган, 2800 бемор вафот этган.
Мавзуга доир:
Изоҳ (0)