Ўзбекистон 2020 йил январь ойида 2019 йилнинг шу даврига нисбатан электр энергияси ишлаб чиқаришни 1,2 фоизга оширди. Бу ҳақда Давлат статистика қўмитаси томонидан тақдим этилган маълумотларда сўз боради.
Маълумотларга кўра, ҳисобот даврида мамлакат корхоналари томонидан 6,1 миллиард кВт/с электр энергияси ишлаб чиқарилган.
Шунингдек, январь ойида Ўзбекистонда 3,81 миллион Гкал иссиқлик энергияси ишлаб чиқарилди, бу 2019 йилнинг шу даврига нисбатан 0,03 фоизга кўп.
Электр, газ, буғ билан таъминлаш ва ҳавони кондициялаш корхоналари томонидан ишлаб чиқарилган маҳсулотлар ҳажми 2,6 триллион сўмни (жами ишлаб чиқарилган саноат маҳсулотлари ҳажмининг 9,4 фоизини) ташкил этди.
2020 йилнинг январь ойида саноатнинг мазкур тармоғида электр энергияни ишлаб чиқариш, узатиш ва тақсимлаш, буғ билан таъминлаш тизимлари ва ҳавони кондициялаш ўтган йилнинг мос даврига нисбатан физик ҳажм индекси 2,5 фоизга ошганлиги кузатилди.
Изоҳ (0)