Марказий Осиёнинг қурилиш ва девелоперлик соҳасидаги етакчи вакиллари –Ўзбекистоннинг Murad Buildings компанияси ҳамда Қозоғистоннинг BI Group холдинги Ўзбекистонда қўшма лойиҳаларни амалга ошириш мақсадида NRG бренди остида бирлашдилар. Янги компаниянинг офиси илк қўшма лойиҳа – турар жой мажмуасининг бунёд этилиши режалаштирилаётган Тошкент шаҳрида жойлашган.

BI Group Ўзбекистон бозорига сармоялар ва девелоперликдаги энг сўнгги инновацион ёндашувлар билан кириб келмоқда. Бу давлатимизда олиб борилаётган инвестиция сиёсатини ўзида акс эттириб, мамлакатимиз раҳбарияти томонидан келгуси беш йилга Ўзбекистон учун устувор йўналиш сифатида белгиланган рақамли иқтисодиётнинг ривожланишини ифодаламоқда.

Бундан ташқари, қурилиш соҳасидаги етакчи компанияларнинг ҳамкорлиги, нафақат рақамли технологиялар ёрдамида қўшма лойиҳаларни амалга ошириш имконини беради, балки бундай ҳамкорлик мустаҳкам профессионал алоқалар ўрнатилишига шароит яратиб, икки мамлакатнинг қурилиш ва архитектура йўналишидаги ривожланиш драйвери бўлиб хизмат қилади.

Қўшма лойиҳанинг режалари ҳамда ривожланиш истиқболи ҳақида Murad Buildings ва BI Group раҳбарияти қандай фикрда?

Мурод Назаров Murad Buildings компаниясининг асосчиси: «Биз бунёдкорлик ишларини яхши кўрамиз. Биз қурган иншоотлар юқори талабга жавоб беради ва маҳсулотимизга доимо талаб бор. Бозор катта миқдордаги кўчмас мулкни ўзлаштиришга тайёр эканлигига қарамай, биз қурилишни кенгайтиришга журъат этмагандик. Чунки катта миқдордаги қурилиш ишларини олиб бориш учун жуда пухта ўйланган, сифат стандартига амал қилувчи аниқ тизимга эга бўлмоғи лозим. Бундай йўлдан компаниямизга зарар етказмаган ҳолда ўтишимиз учун бизга керакли билим ва кўникмалари мавжуд, уш бу қийин бошқични ўзи бошдан кечирган, кенг кўламли қурилишида зарур билим ва тажрибага эга бўлган, муваффақиятли ва халқаро нуфузга эга қурилиш компанияси ёрдам бера олишини аниқ англаб етдик.

Бу борада ўтган йилги менинг Қозоғистон етакчи девелоперлик компаниясининг бошлиғи Айдин Рахимбаев билан учрашувим ўзига хос бир белги бўлди. Мен шу каби ҳаётдаги барча ушрашувcлар тасодиф эмаслигига аминман – бу бизнинг саволларимиз, интилаётган орзу-ниятларимизга жавобдир. Айдин билан биз спорт, хусусан Ironman 70.3 (Бутун жаҳон триатлон корпорацияси томонидан ўтказиладиган узоқ масофа бўйича триатлон мусобақалари серияси) орқали танишдик. Танишиш жараёнида биз узоқ суҳбатлашдик, суҳбат давомида биз қарашларимиз, интилишларимиз ва орзуларимизнинг ўхшашлигидан ҳайратга тушдик ва ҳаттоки бизнинг қурилиш компанияларимизнинг корпоратив ранги ва шиори ҳам бир хил: «Бахт қурамиз». Шунинг учун ҳам биз учрашувимизни тақдир инъоми, деб қабул қилдик.

Бугунги кунда BI Group бу — Қозоғистон кўчмас мулк бозорида етакчи ўринни эгаллаган обрўли профессионал ва ишончли ҳамкор мақомига эга бўлган кўп тармоқли холдингдир.

Ҳар гал мен ўзим ёки жамоам билан бирга Нур-Султон ва Олмаота шаҳарларига ташриф буюрар эканмиз, IT технологияларига асосланган, сифатли ва кенг миқёсда қуриш имкониятини берувчи BI Group бошқарув тизимининг қанчалик йўлга қўйилганидан ажабланамиз. Ушбу Қозоғистон компаниясининг ҳар бир лойиҳаси корпоратив маданиятга асосланган ҳолда амалга оширилиб, майда деталларигача пухта ўйлаб чиқилган. Компания ходимларининг сони 6 мингдан ортиқ, улар юқори малакага эга, муваффақият сари интилувчан ва компания ҳақидаги ҳар қандай саволга жавоб беришга тайёр инсонлардир.

Мен шунингдек, 340 нафар мутахассис барча масалаларни рақамлаштириш билан шуғулланадиган IT бўлимининг мавжудлиги ҳамда барча жараёнларни смартфон ёрдамида бошқариш имконияти борлигига қойил қолдим. Компаниянинг деярли барча тузилмаларида, барча босқич ва жараёнларида IT технологиялари мавжуд, улар нафақат иш самарадорлигини яхшилаш ва оширишни, балки инсон омилининг камайишини ҳам таъминлайди.

Ҳар бир босқичда «каидзен методикаси» ёрдамида барча ҳаражатларнинг оптимизацияси олиб борилади, бу орқали BI Group сифатни сақлаб қолган ҳолда бозорда юқори рақобатбардошликни таъминловчи маҳсулот таннархининг камайишига эришади.

Ишончим комилки, BI Group билан биргаликда биз биринчи навбатда ўз лойиҳаларимиз кўламини Ўзбекистонда ва кейинчалик бошқа мамлакатларга кенгайтира оламиз. Шу билан бирга биз нафақат юқори сифат ва стандартларни сақлабгина қолмай, балки барча қурилиш харажатларини оптималлаштириш орқали юқори сифатли лойиҳаларни яратишда мақбул нархларни таминлай оламиз.

Биз Айдин билан илиқ муносабатдамиз, келажакка ишонч билан қараймиз ҳамда биргаликдаги саъй-ҳаракатларимиз ва синергия натижасида NRG компанияси МДҲ ҳудудида энг кучли компаниялардан бирига айланишига ишонамиз.

BI Group компаниясига 1995 йилда асос солинган. 25 йил давомида компания томонидан 150 дан ортиқ лойиҳалар амалга оширилди, хусусан, 5 миллион квадрат метрдан зиёд турар жой, тижорат кўчмас мулки, йўллар, инфратузилмали ва саноат объектлари барпо этилди. Холдинг ENR top-250 Global Contractors қурилиш компанияларининг дунё рейтингида 186-ўринни эгаллайди. BI Group келажакда халқаро қурилиш компанияларинг биринчи 100 талигига кириш ниятида. Компаниянинг бу соҳасидаги стратегик йўналишини амалга ошириш мақсадида холдинг халқаро бозордаги фаолиятини кенгайтирмоқда.

Айдин Рахимбаев, BI Group директорлар кенгаши раиси

— Мурод Назаров билан илк маротаба 2019 йилнинг ёзида Қозоғистон пойтахтида Ironman 70.3 мусобақаси ўтказилган кунда учрашганмиз. Murad Buildings компаниясининг асосчиси ва раҳбари бизнинг спорт тадбиримизда қатнашаётган эди. Биз бир-биримизни сиртдан танир эдик, аммо Ironman 70.3 мусобақаси старт олишидан 3 соат олдин шахсан танишдик. Бир неча бор учрашганимиздан кейин компанияларимиз кўп жабҳада бир-бирига ўхшашлигини, қарашларимиздаги умумийликни ва энг асосийси — бир-биримизни тўлдира олишимизни тушуниб етдик.

BI Group тўплаган тажрибаси, билим ва кўникмалари, қурилишнинг корпоратив стандартлари ва менежментини Murad Buildings билан бўлишади. Ўз навбатида Murad Buildings бизнинг Ўзбекистондаги ишончли ҳамкоримиз бўлиб, илғор архитектуравий ечимлар ва юқори сифати билан ажралиб турувчи бетакрор турар жой мажмуаларини ҳамкорликда яратиш имконини берувчи бой тажриба ва билимлари билан ўртоқлашади.

Murad Buildings маҳаллий кўчмас мулк бозори борасида чуқур билим, соҳада яхши йўлга қўйилган амалий муносабатлар ва баланд обрўга эга. BI Group ва Murad Buildings’нинг кучли томонларини ҳисобга олган ҳолда МДҲда энг яхши компаниялардан бирини ярата олишимизга ишонаман.

BI Group учун девелопмент борасида бу биринчи халқаро лойиҳадир. Бу биз учун катта ғалабадир. Murad Buildings билан биргаликда биз кучлироқ ва қудратлироқ бўламиз. Бу бир-биримизни ўзаро тўлдирувчи ҳамкорлик, умумий синергиядир. Янги компаниямизнинг номи ҳам шундан келиб чиққан – NRG (энержи).NRG – бу янги компания таъсисчилари исмларининг бош ҳарфларининг бирлашмаси — Nazarov Raximbayev Group

Реклама ҳуқуқи асосида.