Эрон президенти Ҳасан Руҳоний душманларнинг мамлакатда коронавирус тарқалиши билан боғлиқ вазиятдан фойдаланишга уринаётганини таъкидлади. Бу ҳақда «РИА Новости» хабар қилди.
Унинг сўзларига кўра, Эрон коронавирус тарқалиши устидан назорат ўрнатишга яқин турибди, мамлакатнинг ташқи душманлари эса пайтдан фойдаланиб одамлар орасида ваҳима кўтаришга уринмоқда.
Руҳонийнинг ушбу изоҳи Эронда коронавирусга чалинганлар сони 100 нафарга яқинлашгани, хусусан, 15 кишининг касаллик сабаб вафот этгани ҳақидаги маълумотлар тарқалгани туфайли берилгани тахмин қилинмоқда.
«Эрон соғлиқни сақлаш вазирининг ҳисоботи кишига умид бермоқда, сабаби ушбу коронавирусни назоратга олиш ишлари аста-секин изига тушмоқда. Кўплаб шаҳарларда шифокорларга бу борадаги мурожаатлар сони анча камайган, аввалроқ мурожаатлар кўп экани ҳақида маълумотлар тарқалганди. Коронавирусга чалинганлар орасида тузалиб кетган беморлар сони ҳам кундан кунга ошиб бормоқда», — деган Руҳоний Эрон телевидениеси орқали берган баёнотида.
У коронавирус атрофидаги шов-шувлар душманлар фитнаси экани, уларнинг Эрон фуқаролари жамиятида ваҳима кўтаришга уринаётгани ва мамлакат аҳолиси бу борада ортиқча хавотирга тушмаслиги лозимлигини қайд этди.
Мавзуга доир:
Изоҳ (0)