19 февраль куни эрталаб 07:30 атрофида Самарқанд шаҳрида ҳаракатланаётган трамвай йўлидан чиқиб кетди. Бу ҳақда «Дарё» мухбири хабар берди.
Шаҳарнинг Сартепа—Темирйўл вокзали йўналиши бўйлаб қатновчи 1-трамвай ўз йўлидан чиқиб кетиб, катта йўлни тўсиб қўйган.
Қайд этилишича, ҳодиса оқибатида ҳеч ким жароҳатланмаган. Самарқанд шаҳрида иккита трамвай линияси мавжуд бўлиб, улардан бири айнан Сартепа—Темирйўл вокзали йўналишида қатновчи 1-йўналишдаги трамвай ҳисобланади.
Самарқанд шаҳрининг энг гавжум масканида ҳаракатланувчи трамвайнинг ўз йўлидан чиқиб кетиши биринчи марта содир бўлмаяпти. Бунгача ҳам 1-трамвай автобус машина ва ҳатто бошқа бир трамвай билан урилиб кетган.
Мавзуга доир:
Ҳозирда трамвайни йўналишига қўйиш чоралари кўрилмоқда, дейилади хабарда.
Аввалроқ Самарқанд шаҳрида трамвай вагонларига техник хизмат кўрсатиш, тозалаш ва ювиш цехлари қурилиши ҳақида хабар берилган эди.
Изоҳ (0)