Япония ҳукумати коронавирус туфайли карантинга олинган Diamond Princess саёҳат кемасидаги кексалар ва сурункали касалликларга эга беморларни соҳилга эвакуация қилишни бошлади, деб хабар беради «РИА Новости».
Мамлакатда коронавирус билан касалланган 161-бемор қайд этилди. Улардан 135 нафари Йокогама портига келган пайтда ичида 3700 киши бўлган Diamond Princess саёҳат кемаси йўловчилари ва экипаж аъзоларидир. Япония ташқи ишлар вазирлиги 10 февраль ҳолатига кўра, 3700 кишидан 1850 нафари инсулин каби тиббий препаратлар сўраб мурожаат қилганини айтган. Кема йўловчиларининг ярмидан кўпроғини ёши 70 дан ошганлар ташкил этмоқда.
10 февраль куни кема йўловчиларининг 65 нафарида коронавирус аниқланган.
Шу тарзда янги турдаги коронавирусни юқтирган 135 нафар кема йўловчиси касалхонага ётқизилган. Дастлабки режага кўра, кемада карантин 19 февралгача давом этади. Шундан сўнг одамлар кемани тарк этиши мумкин.
Мамлакат соғлиқни сақлаш вазирлиги соҳилга тушадиган ҳамма йўловчиларни текшириш имкониятини кўриб чиқмоқда. Шу билан бирга Япония ҳукумати спикери Ёсихидэ Суга бу техник жиҳатдан имконсиз бўлиши мумкинлигини ҳам истисно этмаган.
Ҳозирги кунда битта таҳлил жавобини 6—8 соатлаб кутишга тўғри келмоқда.
Аввалроқ Япониядаги Diamond Princess кемасида коронавирусни юқтирганлар сони 130 нафарга етгани ҳақида хабар берилган эди.
Изоҳ (0)