Жорий йил 6 февраль куни фуқаро У.А.нинг ҳуқуқни муҳофаза қилувчи органларга қилган мурожаатига асосан тезкор тадбир ўтказилди. Бу ҳақда ИИВ ЙҲХББ ахборот хизмати маълум қилди.
Тезкор тадбир давомида Тошкент шаҳар ИИББ ЙҲХБ ЙПХ бригадаси махсус дивизиони ЙПХ инспектори А.Б. фуқаро У.А.дан транспорт воситасини тегишли ҳужжатларсиз бошқарганлиги учун жарима майдончасига жойлаштирилган Matiz русумли автомобилни чиқариб бериш мақсадида тамагирлик йўли билан 220 000 сўмни пора тариқасида олаётган вақтда ҳуқуқни муҳофаза қилувчи орган ходимлари томонидан ушланган.
Мазкур ҳолат юзасидан ЙПХ инспектори А.Б.га нисбатан Ўзбекистон Республикаси Жиноят кодексининг 210-моддаси 1-қисми билан жиноят иши қўзғатилган.
Ҳозирда ҳолат юзасидан терговолди суриштирув ишлари олиб борилмоқда.
Изоҳ (0)