Пойтахтнинг Шайхонтоҳур туманидаги айрим кўп қаватли уйларда иссиқлик таъминоти вақтинча узилади

Пойтахтнинг Шайхонтоҳур туманидаги айрим ҳудудларда иссиқлик таъминоти вақтинча узилади. Бу ҳақда Тошкент шаҳар ҳокимлиги матбуот хизмати хабар берди.

Таъкидланишича, Кичик халқа автомобиль йўли ва Ипакчи кўчаларининг кесишмасида магистрал иссиқлик қувурида вужудга келган носозлик сабабли Шайхонтоҳур тумани Истироҳат ва Зиёсаид кўчаларидаги кўп қаватли уйларда истиқомат қилувчи истеъмолчилар вақтинча иссиқлик таъминотидан узилади.

Айни пайтда носозликни бартараф қилиш ишларига зарур махсус техника ва мутахассислар жалб қилинган.

«Тошиссиққуввати» ДУК келтирилган ноқулайликлар учун узр сўрайди.