Тожикистон ўз фуқароларини Хитойдан ҳозирча эвакуация қилмайди. Тожик талабалари Тошкент орқали қайтмоқда
Хитойнинг Хубэй провинциясида тарқалган коронавирус сабаб юзага келган чекловлар фонида Тожикистон ўзининг Ухандаги фуқароларини эвакуация қилмайди. Бу ҳақда мамлакат Ташқи ишлар вазирлигига таяниб «Asia-Plus» хабар берди.
Таъкидланишича, «Хубэй провинциясидан тожик талабаларини экакуация қилиш зарурати туғилганда, Тожикистон томони Хитой ҳукумати билан ҳамкорликда буни амалга оширади».
Эслатиб ўтамиз, айдим давлатлар Хитойдан ўз фуқароларини эвакуация қилишни бошлаган. Хусусан, Австралия Ухандаги фуқароларини Рождество оролига кўчиришга қарор қилган бўлса, Япония ҳам 200 нафарга яқин фуқаросини эвакуация қилишини маълум қилган.
Тожикистоннинг Хитойдаги элчихонаси маълумотларига кўра, ҳозирда Хитойда 3500 яқин тожик талабалари таҳсил олмоқда, уларнинг 50 нафари карантинга ёпилган Ухань шаҳрида.
Чэнду шаҳридаги тожик талабаларидан бирининг маълум қилишича, 31-янваар куни жами етти нафар Тожикистон фуқароси Тошкентга учиб келади. Чэнду шаҳри ёпилмаган.
Тожикистоннинг Хитойдаги элчихона маслаҳатчиси Шуҳрат Собирзоданинг сўзларига кўра, ҳозирда Хитойнинг бошқа шаҳарларига бориш тақиқланмган. Фуқаролар ҳеч қандай чекловсиз мамлакатни тарк этишлари мумкин.
Эслатиб ўтамиз, ҳозирда Хитойнинг коронавирус тарқалган мураккаб эпидемик вазият ҳукм сураётган ҳудудида 72 нафар ўзбекистонлик талаба мавжуд.
Мавзуга доир:
