Ўт ўчирувчилар ва полиция тўқнашуви, уйқусизликка қарши акция, коронавирусдан ҳимоя. 28 январнинг энг қизиқарли суратлари

Бугун, 28 январь куни дунёнинг турли бурчакларида олинган энг қизиқарли суратлар жамланмасини тақдим этамиз.

Токио, Япония

Токио метросида тонгги тиғиз пайт

Вашингтон, АҚШ

АҚШ президенти Дональд Трамп ва Исроил бош вазири Биньямин Нетаньяху Оқ уйдаги Овал кабинет ёнида суҳбатлашмоқда.

Париж, Франция

Намойиш ўтказаётган француз ўт ўчирувчилари полиция билан тўқнашди. Ўт ўчирувчилар 1990 йилдан бери оширилмаган мукофот пуллари қайта кўриб чиқилишини талаб қилмоқда. Шунингдек, улар пенсия ислоҳотига ҳам қарши чиқмоқда.

Гонконг, Хитой

Темирйўл бекатида поезд кутаётган, ниқоб ва сузувчиларнинг кўзойнагини тақиб олган йўловчи. Сўнгги маълумотларга кўра, Хитойдаги коронавирус эпидемиясидан вафот этганлар сони 106 кишига етди, яна салкам 1300 та янги касалланиш ҳолатлари тасдиқланди.

Нью-Йорк, АҚШ

Манхэттендаги метрополитеннинг «42-кўча Брайант Парк» бекати номи вандаллар томонидан 26 январь куни вертолёт ҳалокатида вафот этган баскетболчи Коби Брайант шарафига ўзгартириб қўйилди.

Ғазо сектори

Фаластинлик қочоқларнинг Аш-Шати лагеридаги қизалоқ.

Нюрнберг, Германия

Нюрнбергда халқаро ўйинчоқлар кўргазмаси бошланди. Суратда: актёрлар шаҳзода Уильям, малика Кейт ва уларнинг ўғли Жорж образида.

Ғазни, Афғонистон

Афғонистоннинг марказий қисмида қулаган АҚШнинг Bombardier E-11A самолёти.

Прага, Чехия

Уйқу етишмовчилигига эътибор қаратиш учун талабалар Прага метросида норозилик акцияси ўтказди.

Ғарбий Нуса-Тенгара, Индонезия

Коронавирус билан зарарлангани тасдиқланган беморлар изоляторидаги тиббиёт ходими.

Бағдод, Ироқ

Ҳукуматга қарши намойишларда иштирок этаётган йигит «молотов коктейли»ни қўлида ушлаб турибди.

Манила, Филиппин

Авиаҳалокатда қизи билан вафот этган америкалик баскетболчи Коби Брайант хотираси учун Манилада граффити чизилди.

Уэльс, Британия

Уэльсдаги ҳайвонот боғида ноёб шарқий қора каркидон туғилди.

Нордук, ЖАР

Кейптаун яқинида ўрмон ёнғинлари юз бермоқда.

Ҳиндистон

Ҳиндистонда сув спортлари фестивали бўлиб ўтмоқда.

Азаз, Сурия

Сурия шимоли-шарқидан кўчирилган болалар юк машинаси кузовида кетмоқда.

Шанхай, Хитой

Шанхайдаги аэропорт ходимаси коронавирусдан ҳимояланиш учун ниқоб тақиб олган.

Гавана, Куба

Кубаликлар миллий қаҳрамон Хосе Мартининг туғилган куни шарафига уюштирилган «Машъалалар марши»га чиқди.

Барсало, Буркина-Фасо

10 минг кишилик қочоқлар лагеридаги қизалоқ.