Хитойда коронавирус билан зарарланган биринчи бемор аёл даволанди. Бу ҳақда «Коммерсантъ» хабар берди.
Қайд этилишича, доимий равишда Ухань шаҳрида яшаган 56 ёшли бемор аёл 15 январь, чоршанба куни Шанхайдаги касалхонага ётқизилган. Унга коронавирус сабабли юзага келган пневмония ташхиси қўйилган.
Сўнгги олти кунда аёлнинг нафас олиш тизими яхшиланган, яллиғланиш белгилари йўқ бўлган, янги коронавируснинг нуклеин кислотасига нисбатан иккита текшируви салбий натижа берган.
Маълумот учун, Хитойда тарқалган коронавирусдан 25 киши вафот этди, 800 дан ортиқ киши вирус билан зарарланди. Хитойнинг Хунбэй провинциясида 13 та шаҳар, жумладан, коронавируснинг тарқалиш маркази бўлган Ухань шаҳри ҳам ёпилган. Пекинда фавқулодда ҳолатга қаршилик кўрсатишнинг энг юқори даражаси эълон қилинган. Хитойдан ташқари, вирус билан касалланиш ҳолатлари АҚШ, Япония, Таиланд, Жанубий Кореяда ҳам қайд этилган.
Изоҳ (0)