Тошкент шаҳри Шайхонтоҳур туманида Миллий гвардия хизматчилари 18 октябрь куни соат 20:40 ларда Анҳор каналида чўкаётган аёлни қутқаргани ҳақида хабар берилган эди.
Ўшанда Миллий гвардия хизматчилари Анҳор каналида чўкаётган аёлни кўриб тезкорлик билан уни сувдан олиб чиққан. Қутқарилган 39 ёшли аёл шифохонага ётқизилган ва унга тиббий ёрдам кўрсатилган.
«Замон» информацион дастурида айтилишича, ўз жонига қасд қилишдан қутқариб қолинган аёл ўз халоскорини 14 январь — Ватан ҳимоячилари куни билан табриклади ҳамда унга гулдаста совға қилди.
«Ўша пайтда мен стресс ҳолатида эдим. Агар булар бўлмаганида мен ҳалок бўлган бўлардим. Ҳозир ҳаммаси яхши. Булардан миннатдорман, байрам билан табриклайман», — дейди аёл.
Изоҳ (0)