Наманганлик фермер ўз жонига қасд қилди. Бу ҳақда Бош прокуратура матбуот хизмати «Дарё»га маълум қилди.
Таъкидланишича, Наманган вилояти Мингбулоқ тумандаги «А.ХХ.» фермер хўжалиги раҳбари Т.Х. (58 ёш) бошқа фермердан 15 минг АҚШ доллари миқдорида қарз бўлган.
Қарзни қайтариш имконияти бўлмаганидан тушкунликка тушган Т.Х. ўзига тегишли «Иж-27 Е» русумли вертикал шаклдаги қўш оғизли ов милтиғи қўндоғини ўрик дарахтига, ствол учини эса ўзининг юрагига тираб, ўзига ўқ узган. Оқибатда Т.Х. ҳодиса жойида вафот этган.
Ҳозирда ҳолат юзасидан терговга қадар текширув ҳаракатлари ўтказилмоқда.
Изоҳ (0)