КХДР ҳукумати ўз фуқароларини «Америка санкцияларига қарши ҳалокатли жангга» қарши тайёр туришга чақирди. Бу ҳақда «Минчжу чосон» газетасида эълон қилинган мақола сўз боради, деб хабар қилди «ТАСС».
«Мисли кўрилмаган ҳалокатли санкцияларни бартараф этишга мўлжалланган кампания ва ўзининг мавжудлигини ҳамда мамлакатимиз тараққиётини инкор этувчи душман кучлари билан кураш ҳаёт учун эмас, ўлим учун бўлади», — дейилади газетада.
Нашр «ҳозирги муаммоларни устунликка айлантириш» ва ўз кучлари ва технологиялари асосида «тез (иқтисодий) парвоз қилишга» даъват этган. Бунинг учун фуқаролар қатъият ва жасорат кўрсатиб, «худди эшикдан киргандек деворлардан ўтиши, оловга сакраши керак».
Газетанинг таъкидлашича, «КХДР бошқа бирор мамлакат бир кун ҳам чидай олмайдиган ҳалокатли босимга дуч келган». «КХДРни бўғишга мўлжалланган Америка кампанияси ўз чегарасига етиб келган», — дейилади материалда.
Аввалроқ КХДР раҳбари Ким Чен Ин санкцияларга қарши курашиш лозимлигини айтиб, 2020 йилда республика раҳбарияти фуқароларнинг фаровонлигини ошириш ва иқтисодиётни ривожлантиришни ўз олдига мақсад қилиб қўйганини таъкидлаган.
Изоҳ (0)