Эмомали Раҳмон ва Сооронбой Жээнбеков чегара ҳудудларидаги вазиятни муҳокама қилди

Тожикистон президенти Эмомали Раҳмон ва Қирғизистон давлат раҳбари Сооронбой Жээнбеков телефон орқали суҳбат қуриб, икки мамлакат чегара ҳудудларидаги вазиятни муҳокама қилди. Бу ҳақда Тожикистон президентининг матбуот хизмати хабар қилган.

«Суҳбат давомида президентлар икки давлат ўртасидаги чегара ҳудудларидаги вазиятни муҳокама қилди. Тожик-қирғиз давлатлараро муносабатларда чегара масалалари мавзуси ҳақида суҳбат қурилди. Учрашувларни фаол ташкил этиш, чегара ҳудудларида низолар келиб чиқишини олдини олиш бўйича ишчи гуруҳлар ташкил қилишга келишиб олинди», – дейилади хабарда.

Суҳбат якунида президентлар томонидан ушбу йўналишлар учун масъул бўлган вазирликлар раҳбарларига зарур чора-тадбирларни амалга ошириш бўйича топшириқлар берилди.

9 январь куни Тожикистон миллий хавфсизлик давлат қўмитаси чегара қўшинлари ахборот хизмати баёнотида, Қирғизистондаги Боткен тумани, Оқсой қишлоқ фуқаролар йиғини Кўктош қишлоғидаги аҳоли вакилларини ов милтиғи билан қуролланиб Сомониён қишлоғи яқинидан чегарадан ўтишига тўсқинлик қилган. Тожикистон чегара идораси Қирғизистон фуқаролари «Хўжа Аъло» қишлоғида яшовчи фуқарога тегишли Mersedes Benz’ни тошбўрон қилган, қишлоқ аҳолиси ушбу ҳаракатга жавобан қирғизистонлик одамга тегишли машинани тош ёмғири остида қолдирган. Исфара ва Боткен тумани ҳуқуқ-тартибот идоралари вакиллари воқеа жойига етиб келиб, вазиятни назорат остига олган.

Кейинчалик тожик томони шу куни тунги соат 2да Кўктош қишлоғи одамлари ов милтиғидан осмонга ўқ узгани, кейинчалик соат 4 да қирғизларнинг Тожикистон фуқаросининга машинасини ўққа тутганини маълум қилган.

Қирғиз-тожик чегарасидаги давлат чегара участкаси мунтазам равишда фуқаролар ўртасида низолар келиб чиқадиган муаммоли ҳудуд. Низоларнинг асосий сабаби – участкаларнинг чегаралари белгилаб олинмагани ва одамларда қаер қайси давлат чегара майдони эканлиги ҳақида тушунчанинг йўқлиги ҳисобланади.