Польшада 8 январь куни содир бўлган йўл-транспорт ҳодисаси оқибатида ўзбекистонлик I.Р. кўп сонли жароҳатлар билан оғир аҳволда Варшавадаги Ҳарбий-тиббий институти Марказий клиник шифохонасининг интенсив терапия клиник бўлинмасига ётқизилган ва муолажа олмоқда.
«ЙТҲ бўйича Варшава шаҳрида полиция тергов тадбирларини олиб бормоқда», — дея хабар бермоқда Ўзбекистон Ташқи ишлар вазирлиги Ўзбекистоннинг Польшадаги элчихонаси берган ахборотга асосланиб.
Маълумотларга кўра, I.Р. университетлардан биринингталабаси ҳисобланади (бироқ вазирлик ахборотида у айнан қаерда ўқишига аниқлик киритилмаган). Элчихона Консуллик бўлими вакиллари клиникага бориб, беморнинг ҳолидан хабар олган ва айни вақтда ватандошнинг қариндошларини қидирмоқда.
Польша ҳудудида бўлиб турган Ўзбекистон фуқаролари зарур ҳолатларда Ўзбекистоннинг Варшавадаги элчихонасига қуйидаги телефон рақами орқали мурожаат қилишлари мумкин: +48-22-894-62-30 (2).
Изоҳ (0)