Жиззах вилояти Ғаллаорол туманида 9 январь куни ис газидан заҳарланиш оқибатида 4 кишидан иборат оиланинг барча аъзоси вафот этгани ҳақида хабар берилган эди. Бош прокуратура матбуот котиби Ҳаёт Шамсутдинов мазкур ҳолат бўйича «Дарё»га маълумот берди.
Маълум қилинишича, 2020 йилнинг 9 январь куни Ғаллаорол тумани Кўкгумбаз ҚФЙ Қоронғул қишлоғи 183-уйга чақирув асосида борилган. Аниқланишича, шу манзилда яшаган фуқаролар, 1987 йилда туғилган Д.Ш. ва унинг тафиқаси, 1989 йилда туғилган Н.Ш. ҳамда уларнинг икки нафар 2014 ва 2017 йилда туғилган фарзандлари уйнинг хонасида ис газидан заҳарланиб вафот этган.
Мазкур ҳолат юзасидан Ғаллаорол туман прокуратураси томонидан терговга қадар текшириш ҳаракатлари олиб борилмоқда.
Аввалроқ, Тошкентда аёл икки ёшли фарзанди билан, Фарғонада эса икки ёшли гўдак ва унинг уч ёшли опаси ис газидан заҳарланиб вафот этган эди.
Изоҳ (0)