Фаёз ал-Сарража бошқарувидаги халқаро тан олинган миллий келишув ҳукумати Сирт шаҳрини қайтариб олиб, ўз позициясини эгаллади, деб хабар беради «Коммерсантъ».
Аввалроқ Халифа Хафтар бошчилигидаги Ливия миллий армияси Сирт шаҳрини, шунингдек, шаҳардаги порт ва Кардабия авиабазасини ўз назорати остига олганди.
«Миллий келишув ҳукумати кучлари томонидан ўнлаб ҳарбийлар асирга олинган, 20 дона жанговар техника мусодара қилинган, Хафтар армияси томонида туриб жанг қилган 50 киши ўлдирилган», — дейди Ливиядаги вазиятни тартибга солиш бўйича Россия алоқа гуруҳининг раҳбари Лен Дэнгов. Унинг айтишича, ҳарбий ҳаракатлар ҳамон давом этмоқда. Вазият яна ўзгариши мумкин.
Эслатиб ўтамиз, Туркия парламенти мамлакат президенти Ражаб Тоййиб Эрдўғоннинг Ливиядаги Миллий келишув ҳукуматига ҳарбий ёрдам юбориш ҳақидаги сўровини маъқуллаган эди.
Изоҳ (0)