Ўзбекистоннинг жами ташқи қарзи жорий йилнинг 1 октябрида 21,5 миллиард АҚШ долларни ташкил этган. Марказий банк томонидан тақдим этилган маълумотларга кўра, бу ўтган йилгига нисбатан 5,1 миллиард долларга кўп демакдир.
«2019 йилнинг 9 ойи давомида давлатнинг ташқи қарзи кескин ошди ва бу каби кўрсаткич йил охирига қадар сақланиб қолиши кутилмоқда», — дейилади хабарда.
Бу саноат ва ҳудудларни ривожлантириш бўйича давлат дастурларини молиялаштириш учун янги ташқи қарзларни жалб қилинаётгани билан боғлиқ.
Ташқи қарз давлат ва хусусий қарзларга бўлинади. 2013—2017 йиллар давомида иккиси ҳам ошиб борган, бироқ 2018 йилда хусусий қарз камайишни бошланган. Бунга нефть-газ ва энергетика саноатидаги корхоналар учун пулларни қайтарадиган вақт келгани сабаб бўлган эди.
2019 йил январь—сентябрь ойларида хусусий секторнинг қарзлари асосан банк қарзларининг ўсиши ҳисобига яна ўсишни бошлаган.
Умумий ташқи қарзнинг 13,8 миллиард доллари давлат сектори қарзлари бўлса, 7,7 миллиард доллари хусусий ташқи қарз ҳисобланади.
Молия вазирлиги берган маълумотга кўра, Ўзбекистоннинг давлат ташқи қарзи Ялпи ички маҳсулотга нисбатан 23,8 фоизни ташкил этади.
Изоҳ (0)