Forbes журнали 2010—2019 йиллар оралиғида энг кўп даромад олган спортчилар рўйхатини эълон қилди.
Рўйхатнинг биринчи поғонасидан америкалик бокчси Флойд Мейвезер ўрин олди, у сўнгги ўн йилда 915 миллион доллар ишлаб топган. Иккинчи ўринда эса 800 миллион доллар билан «Ювентус» футболчиси Криштиану Роналду турибди. Ўн йилда 750 миллион даромад топган «Барселона» ҳужумчиси Лионель Месси эса кучли учликдан ўрин олган.
Рейтингни ҳисоблашда спортчининг маоши, мукофот ва бонус пуллари, шунингдек, имиж ҳуқуқидан тушадиган даромад инобатга олинган. Спортчилик фаолиятини якунлагандан кейинги даромадлар инобатга олинмаган.
- Флойд Мейвезер (бокс) — 950 млн доллар
- Криштиану Роналду (футбол) — 800 млн
- Лионель Месси (футбол) — 750 млн
- Леброн Жеймс (баскетбол) — 680 млн
- Рожер Федерер (теннис) — 640 млн
- Тайгер Вудс (голф) — 615 млн
- Фил Микелсон (голф) — 480 млн
- Мэнни Пакьяо (бокс) — 435 млн
- Кевин Дюрент (баскетбол) — 425 млн
- Льюис Ҳемилтон («Formula-1») — 400 млн
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)