Мамлакатимизда сўнги йилларда хар бир соҳага жуда катта эътибор қаратилмоқда. Шу жумладан энергетика сохаси хам.
Ўзбекистон Президентининг «Ўзбекистон Республикасида электр энергетика тармоғини янада ривожлантириш ва ислоҳ қилиш стратегияси тўғрисида»ги қарори соҳа ривожи учун жуда катта қадам бўлди.
Хусусан, мазкур қарор 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ва Ўзбекистон Республикаси Маъмурий ислоҳотлар концепциясида белгиланган вазифаларни бажариш мақсадида қабул қилинган. Унга мувофиқ, «Ўзбекэнерго» акциядорлик жамияти негизида учта акциядорлик жамияти – «Иссиқлик электр станциялари», «Ўзбекистон миллий электр тармоқлари» ва «Ҳудудий электр тармоқлари» ташкил этилди. Бу ўзгаришлар мамлакатимизда электр энергиясини ишлаб чиқариш, узатиш, тақсимлаш ва сотишни ташкил этишнинг замонавий услубларига ўтишнинг муҳим омилларидан бири бўлди.
Бугунги кунда истеъмолчиларга сифатли электр энергияси етказиб бериш мақсадида қатор дастур ва қарорларга мувофиқ соҳада олиб борилаётган кенг кўламли ижобий ўзгаришларни кузатаяпмиз.
Ўзбекистон Республикаси Президентининг 2016 йил 23 ноябрдаги ПҚ-2661-сон «2017-2021 йилларда паст кучланишли электр тармоқларини янада модернизация қилиш ва янгилаш дастури тўғрисида»ги Қарори, «Обод қишлоқ» ҳамда «Обод маҳалла» дастурлари асосида бажарилаётган ишлар шулар жумласидандир.
«Ҳудудий электр тармоқлари» АЖ томонидан барча йўналишлар бўйича тегишли режа-дастурлар ишлаб чиқилиб, мамлакатимиз бўйлаб амалга оширилаётган ишлар ижроси сифати тўлиқ назоратга олинган. Бу билан жойларда юзага келаётган муаммо ва камчиликларни ўз вақтида бартараф этилиб, иш самарадорлиги ортиб, ортиқча вақт ва сарф-харажатлар олди олинмоқда.
Биргина, жорий йилда қарор ва дастурлар замирида «Фарғона ҳудудий электр тармоқлари» АЖ томонидан вилоят бўйича 150 донадан ортиқ турли қувватдаги янги трансформатор пунктлари ўрнатилди. 186,7 км узунликдаги 0,4-6-10 кВли янги электр узатиш тармоғи тортилди.
Бу каби ишларни жадаллаштириш, ўз муддатида сифатли қилиб бажариш мақсадида корхонага катта ва кичик юк ташиш машиналари, автобус, махсус таянч ўрнатиш тракторлари,енгил автомашиналар, юк кўтариш машиналари сотиб олинди.
Зарур материалларни корхонанинг ўзида ишлаб чиқариш йўлга қўйилди. Қувонарлиси бир нечта қўшимча ишчи ўрни яратилди.
Босқичма-босқич туман шаҳар электр таъминоти корхоналари замонавий услубда капитал таъмирлаб келинмоқда. Бу билан, ишчи хизматчиларга ҳамда истеъмолчиларга қулайлик яратилмоқда.
Жамиятнинг Касаба уюшма қўмитаси томонидан имтиёзли равишда хар бир ходимни ўз вақтида маданий ҳордиқ олишлари учун, мамлакатимизнинг турли сўлим жойларида даволаниб, ҳордиқ чиқариб келишмоқда. Бундан ташқари, ходимларни билими ошириш мақсадида, бу йил корхонада музей ва 3500дан ортиқ турли адабиётларни ўзида жамлаган янги ахборот–кутубхонаси фойдаланишга топширилди. Турли тадбирлар, спорт мусобақалари доимий ўтказиб келинмоқда.
«Фарғона ҳудудий электр тармоқлари корхонаси» АЖнинг эришиб келаётган бу каби ютуқларини бир қанча давом эттирсак бўлади.
Эришилаётган бу каби ютуқлар, сай-харакатлар барчаси истеъмолчиларга сифатли электр энергияси етказиб беришга қаратилган.
Зеро, биз энергетиклар тун-у кун халқимиз хизматидамиз.
«Фарғона ҳудудий электр тармоқлари корхонаси» АЖ матбуот хизмати.
Реклама ҳуқуқи асосида.
Изоҳ (0)