Қирғизистон президенти Сооронбой Жээнбеков Умра зиёратини бажарди. Воқеа акс этган видео ижтимоий тармоқларда тарқалди.
Қирғизистон президенти матбуот хизматининг хабар беришича, Сооронбой Жээнбеков бошчилигидаги делегация аъзолари Саудия Арабистони подшоҳи Салмон бин Абдулазизнинг таклифига биноан 15–17 декабрь кунлари расмий ташриф билан Саудия Арабистонида бўлган.
Ташриф доирасида Ар-Риёд қироллик саройида Саудия Арабистони қироли Салмон бин Абдулазиз билан расмий учрашиш маросим бўлиб ўтган. Томонлар тор ва кенгайтирилган шаклда музокаралар ўтказиб, савдо-иқтисодий ва маданий соҳаларда икки томонлама ҳамкорлик истиқболларини муҳокама қилган ҳамда музакаралар сўнгида бир қатор биримлар имзоланган.
Ташрифда давомида Сооронбой Жээнбеков Қирғизистоннинг Ар-Риёд шаҳридаги элчихонаси янги биносининг очилиш маросимида иштирок этган ва Саудия Арабистонида истиқомат қилаётган ватандошлари билан учрашган.
Изоҳ (0)