Наманган вилояти божхона бошқармаси ҳамда ҳуқуқни муҳофаза қилувчи бошқа орган вакиллари билан ҳамкорликда Уйчи туманида тезкор тадбир ўтказилди. Бу ҳақда Давлат божхона қўмитаси ахборот хизмати хабар бермоқда.
Тадбир давомида чегара олди ҳудудида фуқаро М.З.га тегишли 10 дона синтетик қоп белгиланган тартибда холислар иштирокида кўздан кечирилди.
Натижада ушбу қопларда қўшни мамлакатдан ноқонуний олиб кирилган, хорижда ишлаб чиқарилган ва тегишли ҳужжатлари бўлмаган 100 миллион сўмлик 84 дона телевизор борлиги аниқланди.
Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.
Изоҳ (0)