Муҳтарам Президентимиз Шавкат Мирзиёевнинг Андижон вилояти Хонобод шаҳрига қилган ташрифи чоғида аҳолининг яшаш шароитларини тубдан яхшилаш, турмуш даражасида сезиларли ижобий ўзгаришларга эришиш, замонавий туризм инфратузилмасини яратиш юзасидан вазифаларни белгилаб берган эди. Иқтисодий ривожлантиришга қаратилган йўл-йўриқ, топшириқларини ижросини таъминлаш мақсадида бошқа корхона ва ташкилотлар қатори «Андижон ҳудудий электр тармоқлари корхонаси» АЖ томонидан электр тармоқларини бошқаришни такомиллаштириш, энерготизимни барқарор ишлашини таъминлаш, иқтисодиёт тармоқлари ва аҳолини электр энергиясига бўлган эҳтиёжини янада тўлароқ қондиришга қаратилган бир қатор ишларни бажариш бўйича чора-тадбирлар амалга оширилмоқда.
Маълумки, Ўзбекистон Республикаси Президентининг 2018 йил 23 октябрда «Электр энергетикаси тармоғини жадал ривожлантириш ва молиявий барқарорлигини таъминлаш чора тадбирлари тўғрисида»ги ПҚ-3981-сонли Қарорига асосан Андижон вилояти бўйлаб режа асосида электр энергиясини ҳисобга олиш ва назорат қилишнинг автомалаштирилган тизими (АSKUE)га улаш ишлари жадал олиб борилмоқда.Хусусан, жорий йилнинг декабрь ойидан бошлаб Андижон вилояти Хонобод шаҳрида истеъмолчиларга замонавий электр ҳисоблагичларни ўрнатиш ишлари бошланди.
Ушбу электр энергияси истеъмолини ҳисобга олиш ва назорат қилишнинг автоматлаштирилган тизимини жорий этиш лойиҳасини амалга ошириш натижасида шаҳар ҳудудидаги ҳисоб нуқталарига жами 10 921 дона, жумлада, аҳоли истеъмолчиларига 10 344 дона, улгуржи истеъмолчиларга 577 дона электр ҳисоблагичлар ўрнатилиш таъминланмоқда.
Хонобод шаҳри электр энергияси истеъмолчилари 7 дона подстанция ва ундан чиқувчи 38 дона 6-10 кВ электр узатиш тармоқлари ҳамда 226 дона трансформатор пунктларига масофадан туриб бошқариш қурилмасига 210 дона концентратор ўрнатилади, ушбу трансформатор пунктларидан истеъмол қилаётган хонадонлар ESEP-10 дастури орқали масофадан туриб тармоққа уланиш имконияти яратилди. Ҳисоблагичларни ўрнатиш билан бир вақтда унинг афзалликлари ҳақида тушунтириш ишлари олиб борилмоқда.
Эслатиб ўтамиз, ҳисоблагичлар истеъмолчиларга «Ҳудудий электр тармоқлари» АЖ маблағлари ҳисобидан бепул ўрнатилмоқда.Ҳурматли истеъмолчилар, агарда ҳисоблагичлар ўрнатишда бирор бир англашилмовчилик кузатилаётган бўлса, «Андижон ҳудудий электр тармоқлари корхонаси» АЖнинг Call centre 11-54 қисқа рақами орқали бепул боғланиб ўз мурожатингизни йўллашингизни сўраймиз.Аҳоли билан тўғридан тўғри мулоқотни йўлга қўйиш, соҳага оид муаммо таклиф ва шикоятларни ўз вақтида ҳал қилиш, мурожаатлар билан ишлашнинг самарали тизими фаолиятини таъминлаш, келиб тушган мурожаатларни бартараф этиш мақсадида «Андижон ҳудудий электр тармоқлари корхонаси» АЖда Call centre ташкил этилди.
Call centre ёрдамида жисмоний ва юридик шахсларнинг қўнғироқлари белгиланган тартибда қабул қилиниб, мурожаат юзасидан малакали мутахассислар томонидан тегишли маслаҳатлар берилади.
«Андижон ҳудудий электр тармоқлари корхонаси»АЖ матбуот хизмати.
Реклама ҳуқуқи асосида.
Изоҳ (0)