Ўзбекистон ва Афғонистон чегараси ҳудудидан Ўзбекистон «Қизил китоби»га киритилган бир бош Бухоро буғуси (хонгул) 29 ноябрь, жума куни Сурхондарё вилояти Термиз тумани «Айритом» маҳалласи ҳудудига ўтиб, маҳаллий аҳолининг хонадонига кириб қолди.
Экология ва атроф-муҳитни муҳофаза қилиш қўмитаси матбуот хизмати хабарига кўра, мазкур ҳодисанинг гувоҳи бўлган маҳаллий фуқаролар Бозоров Сардор, Худойбердиев Ботир, Беҳруз Раҳмонов вилоят ИИБ ЙХХБга хабар берган.
Ўз навбатида ИИБ ходими Сурхондарё вилояти Экология ва атроф муҳитни муҳофаза қилиш бошқармаси билан боғланиб, ҳолат юзасидан далолатнома расмийлаштирган.
Қонуний тўхтамга келгунга қадар бир бош Бухоро буғуси Термиз ҳайвонот боғига вақтинчалик сақлаш учун топширилган. У ҳайвонот боғининг махсус ҳайвонларни сақлаш жойига жойлаштирилиб, ветеринарлар томонидан назоратга олинган.
Изоҳ (0)