«Орангизда онам бўлсайди», «Дадамга ичирманглар», «Ёшлик бизни ташлаб кетади», «Жайра-жайра», «Дадамнинг мухлислари», «Маликам», «Уйга қуруқ қайтмасин эркак» каби юзлаб оммалашган қўшиқларнинг муаллифи, шоир Мирзо Карим уйсиз яшаётгани, оиласи ва фарзандлари билан ўн йиллардан буён ижара уйларда сарсон бўлиб юргани ҳақида «Дарё» га берган интервьюсида гапириб берган эди.
Журналист Феруз Муҳаммад шоир Мирзо Каримнинг ижара уйида иккинчи маротаба меҳмон бўлиб, санъаткорлар томонидан шоирга қандай амалий ёрдам бўлгани билан қизиқди.
Аввалги интерюдан кейин бутун дунёдан мухлисларимиз телефон қилишди десам адашмаган бўламан. Мисол учун АҚШ, Ҳиндистон, Тожикистон, Қирғизистон, Беларусия, Молдавия, Қозоғистон, Россия ва яна бир қанча давлатлардан телефон қилишди. Ҳаттоки уларнинг телефон рақамларини ҳам бир-бирларига адаштириб юбордим.Шоир Мирзо Карим суҳбат давомида «Жипи бор ҳам, шоирдан шеърни қарзга сўрайди» деб номланган шеърини айтиб берди.Очиғини айтсам, санъаткорларнинг орасидан Улуғбек Раҳматуллаев телефон қилиб ‘Ака, мендан розимисиз?’ деди. Мен албатта розиман, дедим. Олдинги интервьюда ҳам кимдан норозиман деганман. Қайта-қайта санъаткорларнинг қарзи йўқ эканлигини таъкидлаганман. Улуғбек Раҳматуллаев ‘Ака, ҳозир концертларимни ўтказиб олай, Озод акам билан гаплашаман, қўлдан келганча ёрдам қиламиз, қараб турмаймиз, сиз ёлғиз эмассиз’, деди. Бундан жуда кўнглим кўтарилди, жуда хурсанд бўлдим.
Мевали дарахтга тош отилади дегандек, Хуршид Расулов билан елкама-елка кўп ишлаганимиз учун, бирга кўп ижод қилганимиз учун, кўп гап-сўзлар Хуршид Расулов томонга кетиб қолди. Санъаткорларнинг мендан қарзи йўқ. Юзлаб санъаткорлар билан ишлаганман, қайси бирини гапиришни ҳам билмайман. Қайсидир бирларидан ёрдам ҳам кутмайман. Аввало Аллоҳ ёрдам қилсин, ўзимни ҳам қўлим тош остида эмас.
Амалий ёрдамлар бўлгани йўқ, лекин ҳар доимгидек яхши ниятлар бор. Энди бу амалга ошадими йўқми, билмайман. Кимгадир қаратиб гап гапирмаганман. Лекин кимдир ўзига буни қаратиб олади, у ўзини кўнглига ҳавола, ҳамма ўзича ҳақ. Кимдир мени лоқайдликда айблади, ‘эркак киши ўзинг ҳаракат қилсанг бўлмайди, уйнинг аҳволини қара деганлар’ ҳам бўлди. Бу бировнинг уйида энди, битта чўпни уёқдан, буёққа олиб қўйишимиз мумкин эмас. Ҳаммаси яхши, халқимизнинг муносабати жуда яхши.
Мирзо Карим, шоир
Изоҳ (0)