Ўзбекистонлик фойдаланувчилар учун интернет орқали «Ҳамкорбанк» ёрдамида «Яндекс Деньги» ҳамёнларини тўлдириш имконияти пайдо бўлди. Шунингдек, ҳамёнларни ушбу банкнинг исталган бўлимида идентификация қилиш мумкин. Бу ҳақда Spot хабар берди.
Янги имконият «Ҳамкорбанк» мижозлари ва банк мижози бўлмаган фойдаланувчилар учун жорий этилган.
Мавзуга доир: UzCard орқали PayPal, «Яндекс.Деньги», WebMoney ва QiWi’даги ҳисобни тўлдириш хизмати жорий қилинади
Шундан сўнг электрон ҳамён рақамини, маблағ миқдорини киритиш ҳамда пул ўтказмасини СМС орқали келган код ёрдамида тасдиқлаш керак. «Яндекс Деньги» ҳамёнини Uzcard ёки Humo тизимидаги исталган пластик карта билан тўлдириш мумкин.
Ҳисобни тўлдириш жараёнида фойдаланувчининг пластик картасидан сўмда маблағ ечиб олинади ва бу маблағ электрон ҳамёнга рублда тушади.
Конвертация Ўзбекистон Марказий банкининг жорий курси бўйича амалга оширилади. Ҳамённи тўлдириш учун банк комиссияси 3 фоизни ташкил этади.
Бунда комиссия суммаси банкнинг ўзи томонидан ҳисоблаб чиқилади ва олдиндан фойдаланувчига кўрсатилади. «Ҳамкорбанк» орқали ҳамённи бир маротабада 300 минг рублгача (44 миллион сўмгача) тўлдириш мумкин, ҳамёнда эса 500 минг рублгача (тахминан 74 миллион сўм) сақлаш мумкин.
Ҳамёнларни идентификациясини «Ҳамкорбанк»нинг исталган филиал ва мини-банкларида амалга ошириш мумкин. Бунинг учун банк офисига паспорт билан бориш керак ҳамда электрон ҳамён рақамини айтиш ва 25 минг сўм тўлаш лозим.
Идентификациядан сўнг фойдаланувчига «Яндекс Деньги» ҳамёнларининг бир қатор имкониятлари тақдим этилади. Шу жумладан, дунё бўйлаб тўловлар, бошқа ҳамёнларга, карта ва банк ҳисоб рақамларига пул ўтказиш, интернет орқали пул йиғиш, нақд пулни олиш.
Идентификациядан ўтган ҳамён эгаси 11 та хорижий валютада ҳам ҳисоб очиши мумкин. Булар рублдан ташқари, доллар, евро, беларус рубли, қозоқ тенгеси ва бошқалар ҳисобланади.
Изоҳ (0)