8 ноябрь куни Ўзбекистон ташқи ишлар вазирининг ўринбосари Дилшод Ахатов Туркия элчиси Эр Меҳмет Сурайяни жорий йил 23 сентябрь куни Анқара шаҳрида Ўзбекистон фуқароси Нодира Қодированинг ўлими билан боғлиқ вазиятга тушунтириш олиш учун таклиф қилди. Бу ҳақда ТИВ матбуот хизмати хабар берди.
Элчи Ўзбекистон фуқароси вафотига олиб келган фожиали воқеа муносабати билан самимий ҳамдардлик билдирган ва ҳозирги пайтда Туркиянинг тегишли идоралари ҳар томонлама ва синчковлик билан тергов ўтказаётганини, ушбу ишга доир барча ҳолатлар ўрганилаётганини қайд этган.
Элчи тергов объектив олиб борилиши, Ўзбекистон томони эса тезкор ва мунтазам тарзда терговнинг бориши ва натижалари тўғрисида хабардор қилинишини маълум қилган.
Мавзуга доир: Депутат Ширин Уналнинг уйида вафот этган Нодира Қодированинг туркиялик адвокати истеъфо берди
Шундан сўнг, Ўзбекистон Ташқи ишлар вазирлиги турк депутатининг уйида ўлган Нодира Қодирова билан боғлиқ вазият назоратга олинганини маълум қилди.
Депутат Ширин Унал қизнинг ўлими бўйича кўрсатма берди. Бир қатор ўзбекистонликлар эса Нодира Қодированинг қотили жазоланишини талаб қилиб чиқди. Туркия Халқ демократик партиясининг Истанбулдаги депутати ва адвокат Зулейҳа Гулум Нодира Қодирова ўлими бўйича аниқ далиллар яширилаётганини маълум қилди.
Изоҳ (0)