Тошкентнинг «Туркистон» санъат саройида Тиббиёт ходимлари куни муносабати билан байрам тадбири ўтказилди. Бу ҳақда ССВ матбуот хизмати хабар берди.
Олий Мажлис Сенати аъзолари, Қонунчилик палатаси депутатлари, вазирлик ва идоралар, жамоат ва халқаро ташкилотлар вакиллари, олимлар, шифокор ва ҳамширалар, маданият ва санъат намоёндалари иштирок этган маросимда Шавкат Мирзиёевнинг тиббиёт ходимларига табриги ўқиб эшиттирилди.
Тадбирда Президентнинг махсус фармонига кўра бир гуруҳ соҳа вакилларига Олий Мажлис Сенати раиси Танзила Норбоева томонидан давлат мукофотлари топширилди.
Соғлиқни сақлаш вазири Алишер Шодмонов соҳа ходимларини байрам билан табриклади.
Тадбирда қайд этилишича, Ўзбекистонда соғлиқни сақлаш тизимида туб ислоҳотлар амалга оширилмоқда. Хусусан, кейинги уч йил ичида соғлиқни сақлаш соҳасини ислоҳ этиш бўйича 170 дан зиёд ҳуқуқий ҳужжатлар қабул қилинди. Президент фармони билан 2019—2025 йилларда соғлиқни сақлаш тизимини ривожлантириш концепцияси тасдиқланиб, соҳа тараққиётида янги даврни бошлаб берди.
Изоҳ (0)